•వీడియో రికార్డు చేసి ‘సభసార్ పోర్టల్’లో అప్లోడ్ చేయాలని సెక్రటరీలకు ఆదేశాలు
BB6 TELUGU NEWS CHANNEL
తెలంగాణ : గ్రామపంచాయతీల పాలనలో పారదర్శకత పెంచేందుకు ప్రభుత్వం కీలక నిర్ణయం తీసుకుంది. గ్రామాల్లో జరిగే ప్రతి సభను’సభసార్’ పోర్టల్ లో రికార్డు చేసి అప్లోడ్ చేయాలని ఆదేశించింది. ఇందుకు సంబంధించి సమావేశాల నిర్వహణ,రికార్డింగ్ విధానంపై మార్గదర్శకాలు జారీ చేసింది. సమావేశానికి ముందు, జరుగుతున్నప్పుడు ముగిశాక పంచాయతీ కార్యదర్శులు పాటించాల్సిన విధి విధానాలను ఖరారు చేసింది.
సమావేశం ప్రారంభానికి ముందే పబ్లిక్ అడ్రస్ సిస్టమ్, స్పీకర్లు, మైక్రోఫోన్లు సరిగా ఉన్నాయో లేదో చూసుకోవాలని,రికార్డింగ్ కోసం స్మార్ట్ఫోన్ లేదా డిజిటల్ కెమెరాలు వినియోగించాలని, కెమెరా షేక్ అవ్వకుండా ట్రైపాడ్ ఉపయోగించాలని స్పష్టం చేసింది. మీటింగ్ ముగిశాక ఆ రికార్డింగ్ను ఎంపీ4 లేదా ఎంపీ3 ఫార్మాట్లో సేవ్ చేసి, ఈ-గ్రామ స్వరాజ్ లాగిన్ ఐడీని ఉపయోగించి సభాసార్ పోర్టల్ లో అప్లోడ్ చేయాలని చెప్పింది.సిగ్నల్ తక్కువగా ఉన్నా రికార్డింగ్ పూర్తిచేసి, ఆ తర్వాత నెట్ అందుబాటులో ఉన్నప్పుడు అప్లోడ్ చేయవచ్చని పేర్కొంది. ఈ ప్రక్రియలో గ్రామాల్లోని యూత్ వలంటీర్లు లేదా పంచాయతీ డిజిటల్ కోఆర్డినేటర్ల సాయం తీసుకోవచ్చని ప్రభుత్వం సూచించింది.
గ్రామసభ తీర్మానాలకు ఏఐ తో పరిష్కారాలు
గ్రామ సభల్లో జరిగే చర్చలు, తీసుకునే తీర్మానాలను రికార్డ్ చేయడం ఇకపై మరింత సులభం కానుంది. ఇందుకోసం కేంద్ర పంచాయతీరాజ్ శాఖ ‘సభసార్’ పేరుతో ఆర్టిఫిషియల్ ఇంటెలిజెన్స్ (ఏఐ) ఆధారిత టూల్ ను తీసుకొచ్చింది. గ్రామ సభల వీడియో లేదా ఆడియో రికార్డింగులను నేరుగా డాక్యుమెంట్లుగా మార్చేందుకు దోహదం చేస్తుంది. గ్రామసభ నిర్వహించిన తర్వాత దానికి సంబంధించిన ఆడియో లేదా వీడియో ఫైల్స్ ను సభసార్ పోర్టల్ లో అప్లోడ్చేయాలి. ఈ ఏఐ టూల్ ఆ రికార్డింగ్ను విశ్లేషించి, అందులో మాట్లాడిన అంశాలను రాతపూర్వక రూపంలోకి మారుస్తుంది.
గరిష్టంగా 1 జీబీ సైజు వరకు ఉన్న ఫైళ్లను ఇందులో అప్లోడ్ చేయవచ్చు.ఈ టూల్ ఇంగ్లిష్ లోనే కాకుండా తెలుగుతో పాటు మరో 12 భాషల్లో అందుబాటులో ఉంది. సభలో స్థానికభాషలో మాట్లాడిన అంశాలను ఇంగ్లిష్ లోకి ట్రాన్సిట్ చేయడంతోపాటు తిరిగి తెలుగులోకి మార్చుకునే సదుపాయం ఉంది. దీనివల్ల అధికారులు తీర్మానాలను ఎడిట్ చేసుకోవడం, పీడీఎఫ్ రూపంలో డౌన్లోడ్చేసుకోవడం సులభమవుతుంది. పంచాయతీ సెక్రటరీలు లేదా అడ్మిన్ అధికారులు ‘ఈ-గ్రామస్వరాజ్ ‘ లాగిన్ వివరాలను ఉపయోగించి
sabhasaar.panchayat.gov.in ద్వారా ఈ సేవలను పొందవచ్చు.
Related News
మద్యం మత్తులో వాహనాన్ని నడిపిన వ్యక్తికి 3,000 జరిమానా మరియు ఐదు రోజుల జైలు శిక్ష
సర్వర్లు డౌన్ తెలంగాణ లో మూడు రోజులు రిజిస్ట్రేషన్లు సేవలు బంద్
తెలంగాణలో డ్రగ్స్ మాట వినపడొద్దు ఈగల్ ఫోర్స్ కు ఫుల్ పవర్స్ ఉప ముఖ్యమంత్రి బట్టి విక్రమార్క
క్రాప్ బుకింగ్ లో కాకిలెక్కలు! రైతులు ఒక పంట వేస్తే మరో పంటగా నమోదు
రేపటి నుండి గండీడ్ మరియు వెన్నచెడ్ గ్రామాలలోని రైతువేదికలలో విత్తన మేళా
జగదీష్ మార్కెట్లో వన్ ప్లస్ నకిలీ ప్రోడక్ట్స్ ను సీజ్ చేసిన పోలీసులు
తెలంగాణకు బిగ్ అలర్ట్ – ఇవాళ్టి నుంచి భారీ వర్షాలు..! ఐఎండీ హెచ్చరికలు
తెలంగాణ మోడల్ స్కూల్ విద్యార్థి లోకానికి స్ఫూర్తిదాయకంగా నిలవాలి సీఎం రేవంత్ రెడ్డి అభిలష
Ujjaini Mahankali Bonalu 2026: సికింద్రాబాద్ మహంకాళి బోనాలు.. పూర్తి షెడ్యూల్ ఇదే
మాదాపూర్లో డ్రగ్స్ పార్టీ.. రూ.43.30 లక్షల మాదకద్రవ్యాలు స్వాధీనం
కేంద్రం, బీఆర్ఎస్ కుట్రల వల్లే మెట్రో ఫేజ్-2 జాప్యం: ముఖ్యమంత్రి రేవంత్ రెడ్డి
పీఎంశ్రీ జిల్లాపరిషత్ బాలుర ఉన్నత పాఠశాల, గండీడ్ లో పాఠ్యపుస్తకాలు, నోట్ బుక్స్ పంపిణీ
