BB6 TELUGU NEWS CHANNEL
కరీంనగర్ ల్లో సంచలనం సృష్టించిన జ్యువెలరీ షాపు దోపిడీ కేసుకు సంబంధించి పోలీసులు కీలక పురోగతి సాధించారు. కాల్పులు జరిపి నగదు, నగలతో పరారైన నిందితుల చిత్రాలను ఉన్నతాధికారులు అధికారికంగా విడుదల చేశారు. ఈ ముఠా ఆచూకీ తెలిపిన వారికి లక్ష రూపాయల నగదు బహుమతి అందజేస్తామని ప్రకటించారు.
కరీంనగర్ నగరంలో ఆదివారం పట్టపగలే జరిగిన భారీ దోపిడీ ఘటన స్థానికులను తీవ్ర భయాందోళనలకు గురిచేసింది. స్థానిక బంగారు దుకాణంలోకి చొరబడిన ఐదుగురు దుండగులు తుపాకులతో బెదిరించి భారీ మొత్తంలో నగలు, నగదు ఎత్తుకెళ్లారు. అడ్డుకోవడానికి ప్రయత్నించిన వారిపై కాల్పులు జరిపి తప్పించుకున్నారు. ఈ సాహసోపేత దోపిడీని సీరియస్గా తీసుకున్న జిల్లా పోలీస్ యంత్రాంగం నిందితులను పట్టుకోవడానికి ప్రత్యేక బృందాలను రంగంలోకి దించింది. సీసీటీవీ ఫుటేజీల ఆధారంగా దొంగల ఫోటోలను సేకరించి వాటిని బహిరంగ పరిచారు.
నిందితుల గురించి కచ్చితమైన సమాచారం అందించిన వారికి లక్ష రూపాయల పారితోషికం ఇస్తామని పోలీస్ కమిషనరేట్ ప్రకటించింది. ఈ దొంగల చిత్రాలను రాష్ట్రవ్యాప్తంగా ఉన్న అన్ని పోలీస్ స్టేషన్లకు ఇప్పటికే చేరవేశారు. సోషల్ మీడియా వేదికగా, వాట్సాప్ గ్రూపుల ద్వారా సాధారణ పౌరులకు కూడా ఈఫోటోలను షేర్ చేస్తున్నారు. అనుమానిత వ్యక్తులు ఎక్కడైనా కనిపిస్తే వెంటనే అప్రమత్తం కావాలని ప్రజలను కోరారు.
హైదరాబాద్, సైబరాబాద్, మల్కాజిగిరితో పాటు నూతనంగా ఏర్పాటైన ఫ్యూచర్ సిటీ పరిధిలోని పోలీసులు సైతం అప్రమత్తమయ్యారు. ప్రధాన రహదారులు, చెక్ పోస్టుల వద్ద తనిఖీలు ముమ్మరం చేశారు. దొంగలు ఇతర జిల్లాలకు లేదా పొరుగు రాష్ట్రాలకు పారిపోయే అవకాశం ఉన్నందున రైల్వేస్టేషన్లు, బస్టాండ్ల వద్ద నిఘా పెంచారు. ఎయిర్పోర్ట్ పరిసరాల్లో సైతం గాలింపు చర్యలు చేపట్టారు.
ఈ కేసులో సమాచారం ఇవ్వదలచిన వారు డయల్ 100 లేదా కరీంనగర్ 2 టౌన్ ఇన్ స్పెక్టర్(8712670762), ఏసీపీ కరీంనగర్ టౌన్(8712670711), ఎస్బీ కంట్రోల్ కరీంనగర్(8712670713) నంబర్లకు ఫోన్ చేయవచ్చు. సమాచారం ఇచ్చిన వ్యక్తుల వివరాలను అత్యంత గోప్యంగా ఉంచుతామని పోలీసులు హామీ ఇచ్చారు.దర్యాప్తుకు ప్రజల సహకారం ఎంతో అవసరమని వారు విజ్ఞప్తి చేశారు. నిందితులు ఆయుధాలు కలిగి ఉన్నందున నేరుగా పట్టుకోవడానికి ప్రయత్నించకుండా పోలీసులకు సమాచారం ఇవ్వడమే శ్రేయస్కరమని సూచించారు.
Related News
మోడల్ స్కూళ్లలో 776 ఉద్యోగాలకు గ్రీన్ సిగ్నల్.. తెలంగాణ ప్రభుత్వం కీలక నిర్ణయం
మహబూబ్ నగర్ జిల్లాలో విజయ తెలంగాణ డైరీ ఫ్రాంచైజీల దుస్థితి – నాలుగు నెలలుగా సప్లై బంద్
తెలంగాణలో పేదలకు పండగే.. రేషన్ బియ్యంతో పాటు 6 వస్తువులు ఇచ్చేందుకు ప్రభుత్వం కసరత్తు
ఏపీ, తెలంగాణకు అర్నబ్ తుపాన్ ఎఫెక్ట్ – తీరంలో భారీ వర్షాలు, తెలంగాణలో పిడుగులతో వానలు
రైతులకు సీఎం బిగ్ షాక్ – యాసంగి వద్దు, తాగునీరే ముద్దు!
ముంబై జుహులో బాలీవుడ్ నటుడు టైగర్ ష్రాఫ్ కారుపై కాల్పులు.. తృటిలో తప్పిన పెను ప్రమాదం
పేదలను పీడిస్తున్న వడ్డీ వ్యాపారులు – నిజామాబాద్ జిల్లాలో పోలీసుల మెరుపు దాడులు
రేపు ఆకాశంలో అద్భుతం! సౌర తుఫానుతో రంగురంగుల కాంతులు
హైదరాబాద్ లో పర్సనల్ ర్యాపిడ్ ట్రాన్సిట్ – త్వరగా పనులు ప్రారంభించాలని సీఎం ఆదేశం
అక్టోబర్ 10-18 వరకు ఘనంగా బతుకమ్మ వేడుకలు – ట్యాంక్ బండ్ పై సద్దుల బతుకమ్మకు భారీ ఏర్పాట్లు
కుల్కచర్లలో సంచలనం: అదృశ్యమైన మహిళ హత్య కేసులో నిందితుడు అరెస్ట్