BB6 TELUGU News CHANNEL
తెలంగాణ రాజకీయాల్లో కీలక పరిణామం! రాష్ట్ర మంత్రివర్గంలో త్వరలో భారీ మార్పులు చేర్పులు జరగబోతున్నాయి. వచ్చే నెల 3వ తేదీ తర్వాత ఢిల్లీలో హైకమాండ్ తో సీఎం రేవంత్ రెడ్డి భేటీ కానున్నారు. అసెంబ్లీ సమావేశాలకు ముందే కేబినెట్ విస్తరణకు సీఎం ఫోకస్ పెట్టినట్లు తెలుస్తోంది.

అసలు కథ ఏంటంటే.. సెప్టెంబర్ 3న ముఖ్యమంత్రి రేవంత్ రెడ్డి, డిప్యూటీ సీఎం భట్టి విక్రమార్క, పీసీసీ చీఫ్ మహేశ్ గౌడ్ లను ఢిల్లీకి రావాలని AICC అధిష్టానం ఆదేశించింది. ఈ భేటీలో కొండా సురేఖ వివాదంతో పాటు మంత్రివర్గ పునర్వ్యవస్థీకరణపై కీలక చర్చ జరగనుంది. ఈ భేటీ తర్వాతే ప్రక్షాళన ఖాయమని పార్టీ వర్గాలు చెబుతున్నాయి.

ఎవరికి గండం?
ఈ పునర్వ్యవస్థీకరణలో నలుగురికి పదవి గండం పడనుందని సమాచారం. అందులో కొండా సురేఖ పేరు దాదాపు ఖాయమైంది. ఆమె స్థానంలో ఎమ్మెల్సీ విజయశాంతి పేరు ఖరారైనట్లు తెలుస్తోంది. సురేఖతో పాటు గతంలో వివాదాస్పదంగా వ్యవహరించి సీఎం ఆగ్రహానికి గురైన మరో మంత్రి, ఇంకో సీనియర్ మంత్రిపై వేటు పడనుందని ప్రచారం జరుగుతోంది.

కొత్తగా ఎవరికి ఛాన్స్?
స్పీకర్, పీసీసీ చీఫ్ లెక్కలు:
అత్యంత ఆసక్తికర పరిణామం ఏంటంటే.. స్పీకర్ గడ్డం ప్రసాద్ కుమార్ ను మంత్రివర్గంలోకి తీసుకొని, ఆయన స్థానంలో ప్రస్తుత కేబినెట్ లోని ఉమ్మడి కరీంనగర్ కు చెందిన ఎస్సీ మంత్రిని స్పీకర్ చేయాలని ఆలోచన ఉంది.
అలాగే పీసీసీ చీఫ్ మహేశ్ గౌడ్ ను కేబినెట్ లోకి తీసుకొని, ఆయన స్థానంలో ప్రస్తుత కేబినెట్ లో ఉన్న ఒక బీసీ మంత్రికి పీసీసీ పగ్గాలు ఇవ్వాలని చర్చ జరుగుతోంది.

వీటితో పాటు విప్ ఆది శ్రీనివాస్, కేకే కుమార్తె విజయలక్ష్మి, గ్రేటర్ ఎన్నికలను దృష్టిలో పెట్టుకొని హైదరాబాద్ కు చెందిన నేతకు అవకాశం ఇవ్వాలని కూడా పరిశీలిస్తున్నారు. మరోవైపు కోమటిరెడ్డి రాజగోపాల్ రెడ్డి, కోదండరామ్, రామచంద్రు నాయక్ పేర్లు కూడా లిస్ట్ లో ఉన్నాయి.

మొత్తానికి వినాయక చవితికి ముందే అంటే సెప్టెంబర్ మొదటి వారంలోనే ఈ కేబినెట్ ప్రక్షాళన జరగడం ఖాయంగా కనిపిస్తోంది. ఢిల్లీ భేటీ తర్వాత ఎవరు ఉంటారు, ఎవరు ఔట్ అవుతారనేది క్లారిటీ రానుంది. దీనిపై అధికారిక ప్రకటన కోసం వేచి చూడాలి.

1. సెప్టెంబర్ 3న ఢిల్లీలో హైకమాండ్ తో సీఎం భేటీ
2. 4 మంది మంత్రులకు ఉద్వాసన – కొండా సురేఖ ఔట్?
3. విజయశాంతికి మళ్లీ మంత్రి ఛాన్స్
4. స్పీకర్ గడ్డం ప్రసాద్ కు కేబినెట్ లో చోటు
5. పీసీసీ చీఫ్ మహేశ్ గౌడ్ కూడా కేబినెట్ లోకి?