BB6 TELUGU NEWS CHANNEL
తెలంగాణ రాష్ట్ర వ్యాప్తంగా అంగన్వాడీ కేంద్రాలకు సొంత భవనాలు నిర్మించడానికి అవసరమైన ప్రణాళికలు రూపొందించాలని ముఖ్యమంత్రి శ్రీ ఎ. రేవంత్ రెడ్డి ఆదేశించారు. అద్దె భవనాల్లో కాకుండా వచ్చే మూడేళ్లలో రాష్ట్రంలో అన్ని అంగన్వాడీ కేంద్రాలు సొంత భవాల్లో కొనసాగేలా కార్యాచరణను సిద్ధం చేయాలన్నారు.
❇️ శాసనసభ సమావేశ హాలులో ఏర్పాటు చేసిన కార్యక్రమంలో అంగన్వాడీ చిన్నారులకు బ్రేక్‌ఫాస్ట్ పథకం “తొలి ముద్ద”ను ముఖ్యమంత్రి లాంఛనంగా ప్రారంభించారు. ఇదే సందర్భంగా అంగన్వాడీ టీచర్లకు మొబైల్ ఫోన్ల పంపిణీని ప్రారంభించారు.
❇️ ఈ సందర్భంగా ముఖ్యమంత్రి మాట్లాడుతూ, “పిల్లలకు పౌష్టికాహారం అందించాలి. వారి ఆరోగ్యంపై ప్రధానంగా దృష్టి పెట్టాలన్న ఆలోచనతో ప్రతిష్టాత్మకంగా ఈ పథకాన్ని చేపట్టాం. తల్లి గర్భంతో ఉన్నప్పుడు తల్లితో పాటు కడుపులోని శిశువు, అలాగే పుట్టిన తర్వాత పిల్లలకు ఎలాంటి పోషకాహారం అందించాలన్న అంశాలపై సమగ్రంగా చర్చించిన తర్వాత ఈ కార్యాచరణ చేపట్టాం.
Related News
మోడల్ స్కూళ్లలో 776 ఉద్యోగాలకు గ్రీన్ సిగ్నల్.. తెలంగాణ ప్రభుత్వం కీలక నిర్ణయం
తెలంగాణలో పేదలకు పండగే.. రేషన్ బియ్యంతో పాటు 6 వస్తువులు ఇచ్చేందుకు ప్రభుత్వం కసరత్తు
రైతులకు సీఎం బిగ్ షాక్ – యాసంగి వద్దు, తాగునీరే ముద్దు!
హైదరాబాద్ లో పర్సనల్ ర్యాపిడ్ ట్రాన్సిట్ – త్వరగా పనులు ప్రారంభించాలని సీఎం ఆదేశం
పన్నీర్ కల్తీదారులపై కొరడా! దేశవ్యాప్త దాడులకు ఆదేశం
లండన్ లో సీఎం రేవంత్ రెడ్డి – ఆక్స్ ఫర్డ్ యూనివర్సిటీని సందర్శించిన తెలంగాణ ముఖ్యమంత్రి
రైస్ మిల్లర్లకు సీఎం రేవంత్ అల్టిమేటం – రూ.3960 కోట్లు కట్టకపోతే మిల్లులు సీజ్!
పేదోడి బిడ్డ కూడా కార్పొరేట్ స్థాయి విద్య అభ్యసించాలి – ఇదే రేవంత్ రెడ్డి లక్ష్యం!
రాష్ట్రంలో విస్తారంగా వర్షాలు కురవాలని ప్రభుత్వం నిర్వహించిన మహా వరుణయాగం సంపూర్ణం
తెలంగాణలో ప్రైవేటు స్కూళ్ల దోపిడీకి చెక్! ఫీజులు బోర్డుపై రాయాల్సిందే – సర్కార్ సంచలన ఆర్డర్స్
తెలంగాణ వ్యాప్తంగా వరుణ యాగాలకు సర్వం సిద్ధం : మంత్రి కొండా సురేఖ
అంగన్‌వాడీలో డూప్లికేట్ టీచర్ కలకలం.. 9 ఏళ్లుగా అసలు టీచర్ గైర్హాజరు!
❇️ అయితే, ప్రభుత్వం ఎంత మంచి కార్యక్రమం తీసుకొచ్చినా, క్షేత్రస్థాయి సిబ్బంది సరిగా అమలు చేసినప్పుడే దీనికి గుర్తింపు గౌరవం లభిస్తాయి. ఆ గురుతర బాధ్యత మీదే. ఆకలిని మీరు అమ్మగా అర్థం చేసుకుంటారని, సమస్యల పట్ల మీకు అవగాహన ఉంటుందని ప్రభుత్వం భావిస్తోంది.
❇️ మొదటి 6 సంవత్సరాలు పిల్లల ఎదుగుదల, ఆరోగ్యం ఆధారపడి ఉంటుంది. అత్యంత కీలక దశ. ఈ సమయంలో ఆరోగ్యవంతమైన ఆహారం అందించకపోతే ఆశించిన ఎదుగుదల ఉండదు. అందుకని అత్యంత పకడ్బంధీ ప్రణాళికతో ముందుకు వెళ్లాలి. అత్యంత విలువైన బాల్య దశ మీ చేతుల్లో ఉంది.
❇️ దేశంలో జనాభా పోషకాహారం లేకపోవడం వల్ల ఆరోగ్య సమస్యలు తలెత్తుతున్నాయి. జబ్బులు వచ్చిన తర్వాత చికిత్స కోసం వేల కోట్లు ఖర్చు పెడుతున్నాం. చికిత్స కన్నా జబ్బు రాకుండా చర్యలు తీసుకోవాలి.
❇️ అంగన్వాడీ సిబ్బందిని ప్రభుత్వం కుటుంబ సభ్యుల్లా భావిస్తోంది. ఏమాత్రం ఆర్థిక వెసులుబాటు కలిగినా ముందుగా అంగన్వాడీల సమస్యలను పరిష్కరిస్తాం” అని చెప్పారు.
❇️ ఈ కార్యక్రమంలో మంత్రులు ధనసరి అనసూయ సీతక్క , కొండా సురేఖ , బాలల హక్కుల పరిరక్షణ కమిషన్ చైర్‌పర్సన్‌ సీతా దయాకర్ రెడ్డితో పాటు సంబంధిత శాఖల ఉన్నతాధికారులు, పలు అంగన్వాడీ టీచర్లు, పలువురు పిల్లలు పాల్గొన్నారు.