BB6 TELUGU NEWS CHANNEL
హైదరాబాద్: దేశవ్యాప్తంగా నిర్వహిస్తున్న నశా ముక్త్ భారత్ అభియాన్ లో భాగంగా మాదకద్రవ్య రహిత సమాజం కోసం తెలంగాణ ఈగల్ ఫోర్స్ మరో అడుగు ముందుకేసింది.
అక్షర స్ఫూర్తి ఫౌండేషన్ ఆధ్వర్యంలో, గౌరవ రాజ్యసభ సభ్యులు డా. లక్ష్మణ్ నేతృత్వంలో నిర్వహించిన సైకిల్ ర్యాలీలో తెలంగాణ ఈగల్ ఫోర్స్ అవేర్ నెస్ విభాగం ఇన్స్పెక్టర్ శ్రీనివాస్ రావు తన బృందంతో పాల్గొన్నారు. మాదకద్రవ్యాల వల్ల కలిగే అనర్థాలపై ప్రజల్లో అవగాహన కల్పించడం, ఆరోగ్యకరమైన, సురక్షిత సమాజాన్ని నిర్మించడమే ఈ ర్యాలీ లక్ష్యం.
యువతను మత్తు పదార్థాలకు దూరంగా ఉంచాల్సిన ఆవశ్యకతను ఈ ర్యాలీ ద్వారా చాటిచెప్పారు. విద్యార్థులు, యువత మాదకద్రవ్యాలకు బానిసై తమ ఆరోగ్యంతో పాటు కుటుంబాలను, సమాజాన్ని ఎలా నాశనం చేసుకుంటున్నారో వివరించారు. మత్తు పదార్థాలకు దూరంగా ఉండి ఆరోగ్యకరమైన జీవనశైలిని అలవర్చుకోవాలని పిలుపునిచ్చారు.
అంతేకాకుండా మాదకద్రవ్యాల నియంత్రణలో ఈగల్ ఫోర్స్ పాత్రను కూడా ఈ సందర్భంగా వివరించారు. చట్ట అమలు, నిఘా, ప్రజల్లో అవగాహన కల్పించడం ద్వారా డ్రగ్స్ రహిత తెలంగాణ కోసం కృషి చేస్తున్నట్లు తెలిపారు.
మాదకద్రవ్యాలకు సంబంధించిన ఏదైనా సమాచారం తెలిస్తే ప్రజలు భయపడకుండా ఈగల్ ఫోర్స్ టోల్ ఫ్రీ హెల్ప్ లైన్ నంబర్ 1908 కు సమాచారం అందించాలని కోరారు. ప్రజల సహకారం, సకాలంలో ఇచ్చే సమాచారమే డ్రగ్స్ నియంత్రణకు కీలకమని పేర్కొన్నారు.
మాదకద్రవ్యాల నివారణ అనేది కేవలం పోలీసుల బాధ్యత మాత్రమే కాదని, ప్రభుత్వ సంస్థలు, విద్యాసంస్థలు, స్వచ్ఛంద సంస్థలు, తల్లిదండ్రులు, ప్రజలందరి భాగస్వామ్యంతోనే సాధ్యమవుతుందని ఈగల్ ఫోర్స్ స్పష్టం చేసింది.
చివరగా “మాదకద్రవ్యాలకు నో చెప్పండి – జీవితాన్ని ఎంచుకోండి (Say No to Drugs – Choose Life)” అనే బలమైన సందేశంతో కార్యక్రమం ముగిసింది. డ్రగ్ ఫ్రీ తెలంగాణ, డ్రగ్ ఫ్రీ ఇండియా లక్ష్య సాధనకు ఈగల్ ఫోర్స్ కట్టుబడి ఉందని తెలిపింది.
Related News
మహబూబ్ నగర్ జిల్లాలో విజయ తెలంగాణ డైరీ ఫ్రాంచైజీల దుస్థితి – నాలుగు నెలలుగా సప్లై బంద్
తెలంగాణలో పేదలకు పండగే.. రేషన్ బియ్యంతో పాటు 6 వస్తువులు ఇచ్చేందుకు ప్రభుత్వం కసరత్తు
ఏపీ, తెలంగాణకు అర్నబ్ తుపాన్ ఎఫెక్ట్ – తీరంలో భారీ వర్షాలు, తెలంగాణలో పిడుగులతో వానలు
రైతులకు సీఎం బిగ్ షాక్ – యాసంగి వద్దు, తాగునీరే ముద్దు!
పేదలను పీడిస్తున్న వడ్డీ వ్యాపారులు – నిజామాబాద్ జిల్లాలో పోలీసుల మెరుపు దాడులు
ఆటపాటలతో మార్మోగిన
రవీంద్రభారతి వేదికపై ఎంగిలిపూల సందడి
హైదరాబాద్ లో పర్సనల్ ర్యాపిడ్ ట్రాన్సిట్ – త్వరగా పనులు ప్రారంభించాలని సీఎం ఆదేశం
ఇంటి బాట పట్టిన విద్యార్థులు.. గండీడ్ లో కళ తప్పిన పాఠశాలలు
అక్టోబర్ 10-18 వరకు ఘనంగా బతుకమ్మ వేడుకలు – ట్యాంక్ బండ్ పై సద్దుల బతుకమ్మకు భారీ ఏర్పాట్లు
కుల్కచర్లలో సంచలనం: అదృశ్యమైన మహిళ హత్య కేసులో నిందితుడు అరెస్ట్
నాగర్‌కర్నూల్, వికారాబాద్‌లో ఆధునిక సెంట్రలైజ్డ్ కిచెన్లు – హరేకృష్ణ ఫౌండేషన్‌తో జున్నా సోలార్, చైన్ ల్యాబ్స్ కీలక ఒప్పందం