BB6 TELUGU NEWS CHANNEL
రాష్ట్రంలో విస్తారంగా వర్షాలు కురవాలని దేవీదేవతలను వేడుకుంటూ ప్రభుత్వం నిర్వహించిన మహా వరుణయాగం వేదపండితుల మంత్రోచ్ఛారణలు, వైదిక క్రతువుల మధ్య శాస్త్రోక్తంగా, భక్తిశ్రద్ధలతో సంపూర్ణమైంది. నాగార్జునసాగర్లోని విజయ్ విహారం వద్ద కృష్ణా నది ఒడ్డున నిర్వహించిన ఈ పవిత్ర వరుణ యాగంలో ముఖ్యమంత్రి శ్రీ ఎ. రేవంత్ రెడ్డి దంపతులు పాల్గొని రుత్వికుల మార్గదర్శకత్వంలో యాగక్రతువులను నిర్వహించి పూర్ణాహుతి సమర్పించారు.
యాదగిరిగుట్ట శ్రీ లక్ష్మీనరసింహ స్వామివారి ఆలయ అర్చకులు, వేదపండితుల ఆధ్వర్యంలో 108 మంది రుత్వికులతో 11 హోమగుండాలతో వరుణదేవుని అనుగ్రహాన్ని ఆకాంక్షిస్తూ వైదిక విధానంలో హోమక్రతువులు నిర్వహించారు. ఈ పవిత్ర యాగంలో మంత్రి శ్రీ ఎన్. ఉత్తమ్ కుమార్ రెడ్డి దంపతులు పాల్గొన్నారు.
దివ్యమైన ఆధ్యాత్మిక వాతావరణంలో కృష్ణా, గోదావరి పరీవాహక ప్రాంతాల్లో సమృద్ధిగా వర్షాలు కురవాలని ముఖ్యమంత్రి గారు ప్రార్థించారు. రాష్ట్ర ప్రజలందరూ సుఖసంతోషాలతో, సుభిక్షంగా జీవించాలన్న సంకల్పంతో ఈ వరుణ యాగం నిర్వహించామని తెలిపారు.
✅ భారతీయ సంస్కృతిలో వర్షాలు కురవాలని యాగాలు, యజ్ఞాలు, పూజలు నిర్వహించడం పూర్వీకుల నుంచి వస్తున్న ఆధ్యాత్మిక సంప్రదాయం. ఒకవైపు శాస్త్రీయ అంచనాలు, ప్రణాళికలతో ప్రభుత్వం ముందుకు వెళ్తూనే వర్షం, వ్యవసాయం, ప్రకృతి, మానవ జీవితం పరస్పర సంబంధాన్ని ప్రతిబింబించే సంస్కృతి, సంప్రదాయాలను గౌరవిస్తూ ప్రకృతి అనుగ్రహించాలని వేడుకున్నారు.
✅ వాతావరణ శాఖ అంచనాల ప్రకారం ఎల్ నినో కారణంగా రాష్ట్రంలో ఈసారి వర్షపాతం సాధారణం కంటే తక్కువగా నమోదయ్యే అవకాశం ఉంది. ఈ నేపథ్యంలో ప్రభుత్వం ఈ మహా వరుణయాగాన్ని నిర్వహించింది.
✅ “రాష్ట్రంలో విస్తారంగా వర్షాలు కురవాలి. కృష్ణా గోదావరి నదులు నిండుగా ప్రవహించాలి. శ్రీశైలం, నాగార్జునసాగర్ లతో పాటు అన్ని ప్రాజెక్టులు నిండాలి. రాష్ట్రంలోని ప్రతి చెరువు, ప్రతి కుంట జలకళతో కళకళలాడాలి. భూగర్భ జలాలు పెరగాలి. పంటలు పుష్కలంగా పండాలి. రైతుల ముఖాల్లో చిరునవ్వులు కనిపించాలి. రాష్ట్రం సస్యశ్యామలంగా, సుభిక్షంగా, ప్రజలందరూ ఆయురారోగ్యాలతో, సుఖసంతోషాలతో ఉండాలి” అని ముఖ్యమంత్రి వరుణ దేవుడిని ప్రార్థించారు.
✅ ఈ పవిత్ర వరుణయాగ కార్యక్రమంలో శాసనమండలి చైర్మన్ శ్రీ గుత్తా సుఖేందర్ రెడ్డి, మంత్రులు శ్రీ కోమటిరెడ్డి వెంకట్ రెడ్డి, శ్రీమతి కొండా సురేఖ, ప్రభుత్వ సలహాదారులు శ్రీ కె.కేశవ రావు, శ్రీ పి. సుదర్శన్ రెడ్డి, మాజీ మంత్రి శ్రీ కె. జానారెడ్డితో పాటు ప్రజాప్రతినిధులు పాల్గొన్నారు.
Related News
పేదోడి బిడ్డ కూడా కార్పొరేట్ స్థాయి విద్య అభ్యసించాలి – ఇదే రేవంత్ రెడ్డి లక్ష్యం!
ఉమ్మడి వరంగల్ పోలీస్ శాఖలో DGP వార్నింగ్ గుబులు
శ్రీశైలంలో నాలుగో రోజు వరుణ యాగం – సహస్ర ఘటాభిషేకంతో పులకించిన మల్లన్న ఆలయం
తెలంగాణలో కొత్త రేషన్ కార్డుల పంపిణీకి నేడు ఆఖరి రోజు.. హడావిడిగా రాష్ట్రవ్యాప్తంగా అన్ని మండలాల్లో రేషన్ కార్డుల పంపిణీ
స్మార్ట్ రేషన్ కార్డులు.. అక్రమాలకు చెక్ పెట్టేలా కార్డుల తయారీ!తెలంగాణలో రేషన్ వ్యవస్థలో కీలక మార్పు రాబోతోంది!
తెలంగాణలో ప్రైవేటు స్కూళ్ల దోపిడీకి చెక్! ఫీజులు బోర్డుపై రాయాల్సిందే – సర్కార్ సంచలన ఆర్డర్స్
రేపు బోనాల పండుగ సందర్భంగా తెలంగాణ ప్రభుత్వం సెలవు ప్రకటించింది
తెలంగాణ వ్యాప్తంగా వరుణ యాగాలకు సర్వం సిద్ధం : మంత్రి కొండా సురేఖ
ఉచితాలతో రాష్ట్రం దివాళా దిశగా? – హైకోర్టు, సుప్రీంకోర్టు ఆందోళన
గండీడ్ మండల నూతన ఎమ్మార్వో గారకి ఘన సన్మానం
అంగన్వాడీలో డూప్లికేట్ టీచర్ కలకలం.. 9 ఏళ్లుగా అసలు టీచర్ గైర్హాజరు!