BB6 TELUGU NEWS CHANNEL
మహబూబ్నగర్ జిల్లా గండీడ్ మండలం లో పర్యటించిన కలెక్టర్.గండీడ్ కె.జి.బి.వి లో రాత పూర్వక అనుమతి లేకుండా హాజరు కాని మహమ్మదాబాద్ స్పెషల్ ఆఫీసర్ S.O కు షోకాజ్ నోటీస్ జారీ.
గండీడ్ మండలంలో నిర్వహిస్తున్న మహమ్మదాబాద్ మండల కస్తూర్బా గాంధీ బాలికల విద్యాలయం కె. జి. బి. వి. ను బుధవారం జిల్లా కలెక్టర్ ఖుష్బూ గుప్తా ఆకస్మికంగా తనిఖీ చేశారు.
గండీడ్ కె. జి. బి. వి పాఠశాలను సందర్శించిన కలెక్టర్ ఉపాధ్యాయుల హాజరు రిజిస్టర్ను పరిశీలించారు. కె. జి. బి. వి స్పెషల్ ఆఫీసర్ కుమారి శివలీల విద్యాశాఖ ఉన్నత అధికారుల అనుమతి లేకుండా గైర్హాజరైనట్టు గమనించిన కలెక్టర్ షోకాజ్ నోటీస్ జారీ కి ఆదేశించారు. కలెక్టర్ ఆదేశాల మేరకు జిల్లా విద్యాశాఖ అధికారి మండల కె.జి.బి.వి స్పెషల్ ఆఫీసర్ కు షోకాజ్ నోటీస్ జారీ చేశారు. గండీడ్ కె.జి.బి.వి తనిఖీలో ఉపాధ్యాయులు వరండాలో ఉండటానికి గమనించిన కలెక్టర్ వారి వారి తరగతులలో వెళ్లాలని అన్నారు. ఉపాధ్యాయులు సమయపాలన పాటించాలని, టైం టేబుల్ ప్రకారం విద్యార్థులకు పాఠాలు బోధించాలని కలెక్టర్ సూచించారు. ఉపాధ్యాయులు,సిబ్బంది విధులలో నిర్లక్ష్యం వహిస్తే సహించేది లేదని కలెక్టర్ హెచ్చరించారు.
10వ తరగతి, 8వ తరగతి విద్యార్థుల తరగతి గదులను సందర్శించి విద్యార్థులతో మాట్లాడి పాఠశాలలో అందిస్తున్న విద్య బోధన, కల్పిస్తున్న మౌలిక సదుపాయాలు, ఉదయం అల్పాహారం నాణ్యతపై విద్యార్థులను అడిగి తెలుసుకున్నారు. వేసవి సెలవుల అనంతరం విద్యార్థులు ఎప్పుడు పాఠశాలకు చేరుకున్నారూ, వారి ఆరోగ్య పరిస్థితి ఎలా ఉంది అనే విషయాలను కూడా కలెక్టర్ విద్యార్థులను అడిగి తెలుసుకున్నారు.
హాస్టల్లో మరుగుదొడ్ల సౌకర్యం ఎలా ఉంది, ప్రతిరోజూ మెనూ ప్రకారం భోజనం అందుతుందా లేదా, అనే విషయాల పై కూడా కలెక్టర్ విద్యార్థుల నుండి వివరాలు తెలుసుకున్నారు. స్టోర్రూమ్ను పరిశీలించిన కలెక్టర్, అక్కడ కూరగాయలను సరిగా పెట్టుకోవాలని సిబ్బందికి సూచించారు.
అనంతరం నిర్మాణంలో ఉన్న కె .జి.బి.వి నూతన భవన పనులను తనిఖీ చేశారు. కాంట్రాక్టర్, వర్కర్ల తో మాట్లాడి పనులను వేగవంతంగా పూర్తి చేయాలని అన్నారు. మండల విద్యాధికారి MEO జనార్ధన్ కు కె .జి.బి. వి నిర్మాణ పనులను నిరంతరం పర్యవేక్షించి ఎప్పటికప్పుడు నివేదిక అందించాలని ఆదేశించారు.
Related News
2.5 లక్షల లంచం డిమాండ్ – చేవెళ్ల సబ్ ట్రెజరీలో ఏసీబీకి రెడ్హ్యాండెడ్గా చిక్కిన ముగ్గురు
జెడ్పీ హైస్కూల్లో ఫుడ్ పాయిజన్: 20 మంది విద్యార్థులకు అస్వస్థత.. వైస్ ప్రిన్సిపల్ వెంకటేష్ పరిస్థితి విషమం
కొండెక్కిన కూరగాయలు… కుదేలైన ఇంటి బడ్జెట్… సంక్షోభంలో రైతు
నేడు తెలంగాణ ప్రజా పాలన దినోత్సవం — రాష్ట్రవ్యాప్తంగా జెండా ఆవిష్కరణలు
యోగాసన ఛాంపియన్షిప్లో గండీడ్ ముద్దుబిడ్డ మోక్షిత గౌడ్ ప్రతిభ
గండీడ్లో ఘనంగా SGF మండల స్థాయి క్రీడోత్సవాలు.. విజేతలుగా నిలిచిన విద్యార్థులు
డివైడర్ను ఢీకొన్న ద్విచక్ర వాహనం: వ్యక్తికి తీవ్ర గాయాలు.108 సిబ్బంది సత్వర సేవ
కూకట్పల్లి JNTU పరిధిలో అర్ధరాత్రి విద్యార్థుల మధ్య భీకర ఘర్షణ – రాళ్లు, కర్రలతో దాడులు
జిల్లా వ్యాప్తంగా 30-పోలీస్ యాక్ట్ అమలు- మహబూబ్నగర్ జిల్లా ఎస్పీ డి.జానకి, ఐపీఎస్
యాదాద్రి జిల్లా భువనగిరిలో ఉద్రిక్తత – ఎమ్మెల్యే క్యాంపు ఆఫీస్ పై బీజేపీ దాడి, బీజేపీ ఆఫీస్ పై కాంగ్రెస్ ప్రతీకార దాడి!
తెలంగాణలో బిగ్ షాక్! కేబినెట్ నుంచి కొండా సురేఖ సహా నలుగురు ఔట్!
గండీడ్ మినీ గురుకులంలో ఘనంగా మొక్కలు నాటే కార్యక్రమం – పర్యావరణ పరిరక్షణే లక్ష్యంగా విద్యార్థినుల ప్రతిజ్ఞ
