BB6 TELUGU NEWS CHANNEL
ప్రతి ఒక గ్రూపుకు వడ్డీ లేని రుణాలు ఐదు లక్షల నుంచి 10లక్షల వరకు పెంచుతున్నట్లు మంత్రి సీతక్క ప్రకటించారు.ప్రతి ఒక మహిళా సంఘం తీసుకుని 10 లక్షల రూపాయలబ్యాంకు రుణాలకు వడ్డీ ప్రభుత్వమే చెల్లిస్తోందని మంత్రి సీతక్కహామీ ఇచ్చారు. అంతేకాకుండా.. మహిళా సంఘాల రుణాలకు ఈ ఏడాది వడ్డీల కోసం 2500 కోట్లు ఖర్చు చేస్తామని సీతక్క వెల్లడించారు. మహిళా ఉన్నత తెలంగాణ ప్రగతి అన్న నినాదంతో మా ప్రభుత్వం పని చేస్తుందని,మహిళల ఆర్థిక సాధికారత కోసం యజ్ఞంలా పనిచేస్తున్నామని ఆమె తెలిపారు. మహిళలు పేదరికం నుంచి బయటపడినప్పుడే అభివృద్ధి పరిపూర్ణమవుతుందని, అందుకేవడ్డీ లేని రుణాలు ఇప్పించి ఆర్థికంగా మహిళలను ఎదిగేలా చేస్తున్నామని మంత్రి సీతక్క తెలిపారు. కోటి మంది మహిళలను కోటీశ్వరులను చేసే సంకల్పంతో పనిచేస్తున్నామని, అన్ని రంగాల్లో మహిళలకు మా ప్రభుత్వం ప్రాధాన్యత ఇస్తుందన్నారు. పంట కొనుగోలు కేంద్రాల్లో40% కేంద్రాలను మహిళా సంఘాలకు అప్పగించామని, ఈఏడాది 26 వేల కోట్లకు పైగా మహిళలకు బ్యాంకు రుణాలు ఇస్తామని ఆమె వెల్లడించారు.
అంతేకాకుండా.. ‘మహిళల ఆర్థిక సాధికారతలో ఇదోమైలురాయి.. లక్షలాది కుటుంబాలకు ఆర్థిక భరోసా..గతంలో మహిళలకు పట్టుమని పదివేల రూపాయల లోన్లు కూడా లభించకపోయేవి.. ఇప్పుడు ఆ మహిళలకి బ్యాంకులు లక్షలాది రూపాయలు ఇస్తున్నాయి.. పేదరికం వల్లే నేను నక్సలైట్లలో చేరాను.. వడ్డీ వ్యాపారుల దోపిడి కారణంగా సామాన్యులు నష్టపోయారు.. వారి బాధ చూడలేక నేను తుపాకిపట్టాను.. ఆ అనుభవంతోనే మహిళలకు వడ్డీ లేని రుణాలు కల్పించాలని సంకల్పంతో పనిచేస్తున్నాము..ఇప్పటి వరకు అర్హత గల మహిళా సంఘాలకు ఐదు లక్షల రూపాయల వరకు వడ్డీ లేని రుణాలు కల్పించాము.. ఇప్పుడు ఆ మొత్తాన్ని 10 లక్షల రూపాయలకు పెంచుతున్నాము..మహిళల భారాన్ని దించేందుకు వడ్డీ భారం లేకుండా రెట్టింపులోన్లు ఇస్తున్నాము.. బ్యాంకులకు మహిళా సంఘాలు రీ పేమెంట్ బాగా చేస్తున్నారు.. నిర్మల్ జిల్లా జీరో NPA సాధించింది.. DRDO విజయలక్ష్మి కి అభినందనలు..
నిర్మల్ జిల్లా తరహాలోనే అన్ని జిల్లాలు 100% బ్యాంకులకు రీపేమెంట్ చేయాలి.. బ్యాంకర్ల నమ్మకాన్ని విశ్వాసాన్ని మహిళా సంఘాలు నిలబెట్టాలి.. బ్యాంకర్లు మహిళా సంఘాలకు సరళమైన పద్ధతిలో లోన్లు ఇవ్వాలి.. బ్యాంకులకు మేము గ్యారెంటీ ఇస్తున్నాము.. పూర్తి స్థాయిలో రీపేమెంట్ చేసే బాధ్యత మాది.. వ్యక్తులకు లోన్ ఇస్తే ఎగ్గొట్టే ప్రమాదం ఉంటుంది.. అదే మహిళా శక్తికి సహకరిస్తే మీ డబ్బులకు భద్రత లభిస్తుంది.. మహిళా సంఘాలకు లోన్ లిస్టు సహకరిస్తున్న బ్యాంకర్లందరికి ధన్యవాదాలు..’ తెలిపారు మంత్రి సీతక్క.
