BB6 TELUGU NEWS CHANNEL
కరీంనగర్ టూ టౌన్ ఎస్సై చంద్రశేఖర్ ఆత్మహత్య చేసుకోవడం తీవ్ర విషాదానికి దారి తీసింది. నాలుగు రోజుల క్రితం ఆయన భార్య దివ్య ఆత్మహత్య చేసుకుంది. ఈ ఘటనతో మానసికంగా కుంగిపోయిన చంద్రశేఖర్, భార్య మృతిని తట్టుకోలేక అత్తగారి ఇంట్లో ఉరి వేసుకుని ప్రాణాలు తీసుకున్నట్లు సమాచారం.దివ్య మృతిపై అనుమానాలు వ్యక్తమవుతున్న నేపథ్యంలో ఈ ఘటన మరింత సంచలనంగా మారింది. సమాచారం అందుకున్న పోలీసులు ఘటనాస్థలానికి చేరుకుని కేసు నమోదు చేసి దర్యాప్తు చేపట్టారు. చంద్రశేఖర్ మృతదేహాన్ని జమ్మికుంట ఆస్పత్రికి తరలించారు.ఈ ఘటనపై పూర్తి వివరాలు వెలుగులోకి రావాల్సి ఉంది.
