BB6 TELUGU NEWS CHANNEL
తెలంగాణలో స్థానిక సంస్థల ఎన్నికల నగారా మోగింది. సర్పంచ్, వార్డు సభ్యుల ఎన్నికలకు షెడ్యూల్ విడుదలైంది. డిసెంబర్ 11, 14, 17 తేదీల్లో మూడు విడతల్లో ఎన్నికలు జరగనున్నాయి. సర్పంచ్‌గా పోటీ చేయాలంటే ఎలాంటి అర్హతలు, పత్రాలు ఉండాలి..? అసలు ఎవరు పోటీ చేయొచ్చు.. ఎవరు చేయలేరు? వంటి వివరాలు తెలుసుకుందాం.

తెలంగాణలో స్థానిక సంస్థల ఎన్నికల నగారా మోగంది. రాష్ట్ర ఎన్నికల సంఘం సర్పంచ్, వార్డు సభ్యుల ఎన్నిక కోసం షెడ్యూల్ ప్రకటించింది. మెుత్తం మూడు విడతల్లో డిసెంబర్ 11,14,17 తేదీల్లో ఎన్నికలు జరగనుండగా.. తొలి విడత నామినేషన్ల స్వీకరణ ఈనెల 27 నుంచి ప్రారంభం కానుంది. దీంతో ఎన్నికల్లో పోటీ చేసేందుకు ఆశావాహులు సిద్ధమయ్యారి. సర్పంచ్ స్థానానికి పోటీ చేయాలంటే ఎలాంటి అర్హతలు కలిగి ఉండాలి..? ఏఏ పత్రాలు అవసరమవుతాయే ఇప్పుడు తెలుసుకుందాం.

సర్పంచ్‌గా పోటీ చేయాలంటే అర్హతలు, కావాల్సిన పత్రాలు

గ్రామ సర్పంచ్ స్థానానికి పోటీ చేయాలనుకునే సదరు వ్యక్తి గ్రామపంచాయతీలో స్థానికుడై ఉండాలి. అందుకు రెసిడెన్స్ సర్టిఫికేట్ అవసరం పోటీ చేయదలచిన అభ్యర్తి పేరు పంచాయతీ ఓటింగ్ లిస్టులో నమోదై ఉండాలి.
సర్పంచ్ స్థానానికి నామినేషన్ దాఖలు చేసే సమయానికి అభ్యర్థి వయసు 21 సంవత్సరాలు నిండి ఉండాలి. ఆధార్, బర్త్ సర్టిఫికేట్లు అవసరం రిజర్వ్ చేసిన స్థానాల్లో సంబధిత రిజర్వ్‌డ్ అభ్యర్థులకే అవకాశం. అందుకు క్యాస్ట్ సర్టిఫికేట్ అవసరం ఉంటుంది.
ఎస్సీ, ఎస్టీ, బీసీ కేటగిరీ అభ్యర్థులు జనరల్ కేటగిరి నుంచి కూడా పోటీ చేయడానికి ఆస్కారం ఉంది.మహిళలు వారికి రిజర్వు చేసిన స్థానాలతో పాటు అదే కేటగిరిలోని జనరల్‌ స్థానాల్లోనూ పోటీ చేయవచ్చు.ఇక ఇద్దరు పిల్లల నిబంధన ఎత్తివేయటంతో ఎంత మంది పిల్లలు ఉన్నా పోటీ చేయటానికి అర్హులే.

అనర్హులు ఎవరంటే..

గ్రామ సేవకులతో పాటు కేంద్ర, రాష్ట్ర ప్రభుత్వ ఉద్యోగులు, స్థానిక సంస్థల ఎయిడెడ్ సంస్థల ఉద్యోగులు సర్పంచ్ ఎన్నికల్లో పోటీ చేసేందుకు అనర్హులు.గ్రామ పంచాయతీకి వ్యక్తిగతంగా బకాయిపడిన వారు. బకాయిల చెల్లింపులకు నోటీసులు ఇచ్చినా చెల్లించిన వారు పోటీకి అనర్హులు.
మతిస్థిమితం లేని వారు, బదిరులు, మూగవారు పోటీకి అనర్హులు. పౌరహక్కుల పరిరక్షణచట్టం–1955 పరిధిలోకి వచ్చే కేసుల్లో శిక్ష పడినవారు అనర్హులు. గ్రామ పంచాయతీ, మండల, జిల్లా పరిషత్‌ కేంద్ర, రాష్ట్ర ప్రభుత్వాల్లో ఏదైనా పనికి కాంట్రాక్టు చేసుకున్నా లేదా నిర్వహణకు ఒప్పందం చేసుకున్నా వారు కూడా పోటీకి అనర్హులు.

కాగా, తెలంగాణ 31 జిల్లాల్లోని 564 మండలాల్లో గల 12,728 గ్రామ పంచాయతీలు, 1,12,242 వార్డు స్థానాలకు ఎన్నికలు జరగనున్నాయి. ఈ ఎన్నికల్లో మొత్తం 1,66,55,186 మంది ఓటర్లు తమ ఓటు హక్కును వినియోగించుకోనున్నారు. బ్యాలట్‌ పద్ధతిలో జరిగే ఈ ఎన్నికల్లో నోటా కూడా ఉంటుంది. ఎన్నికల షెడ్యూల్ విడుదల కావటంతో రాష్ట్రంలో ఎన్నికల ప్రవర్తన నియమావళి (కోడ్‌) అమల్లోకి వచ్చింది. అభ్యర్థులందరూ కోడ్‌ను కచ్చితంగా పాటించాల్సి ఉంటుంది.