BB6 TELUGU NEWS CHANNEL
యూపీఐ వినియోగదారులకు శుభవార్త. యూపీఐ పేమెంట్లపై ఎలాంటి చార్జీలు విధించే యోచన లేదని కేంద్ర ఆర్థిక మంత్రి నిర్మలా సీతారామన్ స్పష్టం చేశారు. డిజిటల్ పేమెంట్స్ అనేది పబ్లిక్ గుడ్ అని, ప్రజలు ఉచితంగా ఈ సేవలను వినియోగించుకోవాలని ఆమె అన్నారు. గత కొద్ది రోజులుగా సోషల్ మీడియాలో ప్రతి వెయ్యి రూపాయల యూపీఐ లావాదేవీపై చార్జీలు పడతాయంటూ వస్తున్న వదంతులకు కేంద్రం చెక్ పెట్టింది. 

సాధారణంగా యూపీఐ ద్వారా డబ్బులు పంపినప్పుడు, షాపుల్లో పేమెంట్ చేసినప్పుడు ఎలాంటి రుసుము వసూలు చేయడం లేదు. అయితే రిజర్వ్ బ్యాంక్ పేమెంట్ సిస్టమ్ పై చార్జీలు విధించే అంశంపై అభిప్రాయ సేకరణ చేస్తుందన్న వార్తల నేపథ్యంలో యూజర్లలో గందరగోళం నెలకొంది. దీనిపై కేంద్ర ఆర్థిక శాఖ ఇప్పటికే అనేక సార్లు క్లారిటీ ఇచ్చింది. యూపీఐ సేవలు పూర్తిగా ఉచితంగానే కొనసాగుతాయని ప్రకటించింది. 

ప్రస్తుతం యూపీఐ పై ట్రాన్సాక్షన్ చార్జీలు విధించే ప్రతిపాదనేదీ లేదని ప్రభుత్వం మరోసారి తేల్చి చెప్పింది. చిన్న వ్యాపారులు, సామాన్య ప్రజలు ఎలాంటి అదనపు భారం లేకుండా డిజిటల్ పేమెంట్స్ చేయవచ్చని, ఇది డిజిటల్ ఇండియా లక్ష్యాన్ని మరింత ముందుకు తీసుకెళ్తుందని మంత్రి అన్నారు. 

కాబట్టి యూపీఐ యూజర్లు ఎలాంటి అపోహలు పెట్టుకోవద్దు. మీరు గూగుల్ పే, ఫోన్ పే, పేటీఎం ద్వారా చేసే ప్రతి పేమెంట్ పూర్తిగా ఉచితమే. ఇదే అంశంపై మరిన్ని అప్డేట్స్ కోసం subscribe చేసుకోండి BB6 తెలుగు న్యూస్.