రాష్ట్రంలో 1.05 కోట్ల స్మార్ట్ రేషన్ కార్డుల పంపిణీ కార్యక్రమాన్ని ముఖ్యమంత్రి రేవంత్ రెడ్డి ఈ నెల 15న లాంఛనంగా ప్రారంభించనున్నారు.
BB6 TELUGU NEWS CHANNEL
పూర్తి వివరాల్లోకి వెళితే :
తెలంగాణలో రేషన్ వ్యవస్థలో కీలక మార్పు రాబోతోంది! ఏళ్లుగా వాడుతున్న చిరిగిపోయే కాగితపు రేషన్ కార్డులకు కాలం చెల్లింది. ఇకపై ATM కార్డు సైజులో అత్యాధునిక స్మార్ట్ రేషన్ కార్డులు రాబోతున్నాయి. రేషన్ షాపుల్లో జరిగే అక్రమాలు, బినామీ కార్డుల దోపిడీకి పూర్తిగా చెక్ పెట్టేలా ప్రభుత్వం ఈ సరికొత్త కార్డులను తీసుకొస్తోంది.
తెలంగాణ ప్రభుత్వం ప్రతిష్టాత్మకంగా తీసుకొస్తున్న స్మార్ట్ రేషన్ కార్డుల ముద్రణ పూర్తయింది. రాష్ట్రవ్యాప్తంగా ఉన్న సుమారు 1.05 కోట్ల కుటుంబాలకు ఈ కార్డులను పంపిణీ చేయడానికి పౌర సరఫరాల శాఖ అన్ని ఏర్పాట్లు పూర్తి చేసింది. ఇప్పటికే జిల్లాలకు కార్డులు చేరాయి. సీఎం రేవంత్ రెడ్డి ముహూర్తం ఫిక్స్ చేయగానే హైదరాబాద్ నుంచి పంపిణీ లాంఛనంగా ప్రారంభం కానుంది.
ఈ కొత్త కార్డు ప్రత్యేకతలు చూస్తే..
1. ATM సైజులో PVC ప్లాస్టిక్ కార్డు – చిరగడం, తడవడం ఉండదు. జేబులో పెట్టుకోవచ్చు.
2. క్యూఆర్ కోడ్ సిస్టం: ప్రతి కార్డుపై ప్రత్యేక QR కోడ్ ఉంటుంది.
3. డిజైన్: కార్డుపై ఎడమవైపు సీఎం రేవంత్ రెడ్డి, కుడివైపు పౌర సరఫరాల శాఖ మంత్రి ఉత్తమ్ కుమార్ రెడ్డి ఫోటోలు, మధ్యలో తెలంగాణ ప్రభుత్వ అధికారిక లోగో, లబ్ధిదారుడి పేరు, ఫుడ్ సెక్యూరిటీ కార్డు (FSC) నంబర్ ఉంటాయి.
అసలు ఈ స్మార్ట్ కార్డుతో అక్రమాలకు ఎలా చెక్ పడుతుందంటే..
రేషన్ షాపులో ఈ QR కోడ్ ను స్కాన్ చేయగానే లబ్ధిదారుడి కుటుంబ వివరాలు, ప్రతి నెలా తీసుకుంటున్న రేషన్ కోటా, క్యారీ ఓవర్ బ్యాలెన్స్ వంటి పూర్తి సమాచారం కంప్యూటర్ లేదా మొబైల్ స్క్రీన్ పై ప్రత్యక్షమవుతుంది.
దీనివల్ల దళారీ వ్యవస్థకు, బినామీ కార్డుల దోపిడీకి పూర్తిగా అడ్డుకట్ట పడుతుంది. రేషన్ సరుకులు కచ్చితంగా అర్హులకే చేరుతాయి. వేరే వాళ్లు తీసుకునే ఛాన్స్ ఉండదు.
మరోవైపు కేంద్ర ప్రభుత్వం ఇప్పటికే అనర్హుల ఏరివేత మొదలుపెట్టింది. తెలంగాణలోనే 1.40 లక్షల బోగస్ రేషన్ కార్డులను తొలగించేందుకు జాబితా సిద్ధం చేసింది. నిబంధనలకు విరుద్ధంగా కార్డులు పొందిన వారికి నోటీసులు ఇచ్చి రద్దు చేయనున్నారు.
Related News
పేదోడి బిడ్డ కూడా కార్పొరేట్ స్థాయి విద్య అభ్యసించాలి – ఇదే రేవంత్ రెడ్డి లక్ష్యం!
2026లో తొలి సంపూర్ణ సూర్యగ్రహణం – భారత్ లో కనిపిస్తుందా? భారతీయులు పాటించాల్సిన నియమాలు ఏంటి?
తెలంగాణలో శ్రీనిధి కుంభకోణం బయటకు – లక్షల్లో మహిళల సొమ్ము మాయం.. రికవరీ ఎప్పుడు.?
వైద్యం వికటించి 8వ తరగతి విద్యార్థిని మృతి..వైద్యుడు మద్యం సేవించి ఉన్నాడని ఆరోపణ.. పరారీలో వైద్యుడు
ఉమ్మడి వరంగల్ పోలీస్ శాఖలో DGP వార్నింగ్ గుబులు
రాష్ట్రంలో విస్తారంగా వర్షాలు కురవాలని ప్రభుత్వం నిర్వహించిన మహా వరుణయాగం సంపూర్ణం
శ్రీశైలంలో నాలుగో రోజు వరుణ యాగం – సహస్ర ఘటాభిషేకంతో పులకించిన మల్లన్న ఆలయం
తెలంగాణలో కొత్త రేషన్ కార్డుల పంపిణీకి నేడు ఆఖరి రోజు.. హడావిడిగా రాష్ట్రవ్యాప్తంగా అన్ని మండలాల్లో రేషన్ కార్డుల పంపిణీ
తెలంగాణలో ప్రైవేటు స్కూళ్ల దోపిడీకి చెక్! ఫీజులు బోర్డుపై రాయాల్సిందే – సర్కార్ సంచలన ఆర్డర్స్
రేపు బోనాల పండుగ సందర్భంగా తెలంగాణ ప్రభుత్వం సెలవు ప్రకటించింది
తెలంగాణ వ్యాప్తంగా వరుణ యాగాలకు సర్వం సిద్ధం : మంత్రి కొండా సురేఖ
ఉచితాలతో రాష్ట్రం దివాళా దిశగా? – హైకోర్టు, సుప్రీంకోర్టు ఆందోళన
ఇదే సమయంలో ప్రభుత్వం మరో గుడ్ న్యూస్ కూడా చెప్పింది. ఆగస్టు నుంచి 3 నెలల రేషన్ బియ్యాన్ని ఒకేసారి పంపిణీ చేయాలని నిర్ణయించింది. దీంతో ప్రతి నెలా క్యూలో నిలబడే ఇబ్బంది తప్పుతుంది.
మొత్తంగా చూస్తే.. తెలంగాణ ఏర్పడిన తర్వాత తొలిసారిగా కార్డు రూపంలో రేషన్ కార్డులు రావడం ఇదే మొదటిసారి. మరి మీ స్మార్ట్ కార్డు స్టేటస్ ఏంటో తెలుసుకోవాలంటే.. మీ దగ్గరలోని రేషన్ షాపును లేదా మీ సేవా కేంద్రాన్ని సంప్రదించండి.
ఇలాంటి మరిన్ని అప్డేట్స్ కోసం చూస్తూనే ఉండండి – BB6 TELUGU NEWS CHANNEL.