తెలంగాణ ప్రభుత్వం పేదల కోసం 2.4 లక్షల కొత్త రేషన్ కార్డులకు ఆమోదం తెలిపింది. దీని ద్వారా 11.30 లక్షల మందికి ప్రయోజనం చేకూరనుంది. జూలై 14న సూర్యాపేట జిల్లా తుంగతుర్తిలో ముఖ్యమంత్రి రేవంత్ రెడ్డి ఈ కార్డులను పంపిణీని ప్రారంభిస్తారు. నియోజకవర్గాల్లో మంత్రులు, ఎమ్మెల్యేల ద్వారా పంపిణీ జరుగుతుంది. ప్రస్తుతానికి కాగితం రూపంలోనే కార్డులు అందిస్తారు. మీకు కార్డు వచ్చిందో లేదో ఇలా ఈజీగా తెలుసుకోవచ్చు. ఆ వివరాలేంటో ఇప్పుడు తెలుసుకుందాం.
తెలంగాణలోని పేదలకు గుడ్‌న్యూస్. కొత్త రేషన్ కార్డుల కోసం ఎప్పట్నుంచో ఎదురు చూస్తుండగా.. తాజాగా 2.4 లక్షల కొత్త రేషన్ కార్డులకు సర్కార్ ఆమోదం తెలిపింది. దీని ద్వారా రాష్ట్రవ్యాప్తంగా 11.30 లక్షల మందికి ప్రయోజనం చేకూరనుంది. సూర్యాపేట జిల్లా తుంగతుర్తిలో ఈనెల 14న ముఖ్యమంత్రి రేవంత్ రెడ్డి కొత్త రేషన్ కార్డులను లబ్ధిదారులను అందిచనున్నారు. కొత్త రేషన్ కార్డుల పంపిణీని నియోజకవర్గాల్లో మంత్రులు, ఎమ్మెల్యేల ద్వారా నిర్వహించడానికి ప్రభుత్వం కార్యాచరణ రూపొందించింది. పౌరసరఫరాల శాఖ ఆమోదించిన కొత్త లబ్ధిదారుల గణాంకాలను ఇప్పటికే సీఎం కార్యాలయానికి పంపింది.
కొత్త రేషన్ కార్డుల మంజూరుతో పాటు, ఇప్పటికే ఉన్న కార్డుల్లో కొత్త సభ్యులను కూడా చేర్చారు. ఈ విధంగా కొత్త కార్డులు, పాత కార్డులలో సభ్యుల జోడింపుతో భారీ సంఖ్యలో పేద కుటుంబాలు రేషన్ పథకం లబ్ధిదారులుగా మారాయి. తెలంగాణ ప్రభుత్వం ప్రజల నుంచి వచ్చిన రేషన్ కార్డు దరఖాస్తులను దశలవారీగా పరిశీలించి ఆమోదిస్తోంది. కలెక్టర్లు, ఆపై పౌరసరఫరాల శాఖ కమిషనర్ ఆమోదించిన దరఖాస్తులను డైనమిక్ కీ రిజిస్టర్ (DKR)లో నమోదు చేసి, లబ్ధిదారులను రేషన్ పథకంలో చేర్చుతారు.
వాస్తవానికి క్యూఆర్ కోడ్‌తో కూడిన స్మార్ట్ రేషన్ కార్డులను ఇవ్వాలని ప్రభుత్వం నిర్ణయించినప్పటికీ టెండర్ల ప్రక్రియలో ఒక సంస్థ న్యాయస్థానాన్ని ఆశ్రయించడంతో జాప్యం జరిగింది. దీంతో ప్రస్తుతానికి పేపర్ రూపంలోనే రేషన్ కార్డులు పంపిణీ చేయనున్నారు. తెలంగాణలో మీ కొత్త రేషన్ కార్డు వచ్చిందో లేదో తెలుసుకోవడానికి మీరు ఆన్‌లైన్‌లో సులభంగా తనిఖీ చేసుకోవచ్చు. ఇందుకోసం కింద ఇచ్చిన విధానాన్ని అనుసరిస్తే ఈజీగా సమాచారం తెలుసుకోవచ్చు.